Türkmenistanyň para pauerlifting boýunça milli ýygyndysynyň türgenleri 22-25-nji iýun aralygynda Hytaýyň Pekin şäherinde geçen para pauerlifting boýunça Dünýä kubogynyň tapgyrynda ýedi medal aldylar. Bu barada 25-nji iýunda hökümetçi türkmen onlaýn neşirleri habar berdi.
Maglumata görä, Türkmenistanyň topary alty kümüş we bir bürünç medal almagy başarypdyr.
Para pauerlifting boýunça Dünýä kubogy 2028-nji ýylda Los-Anželesde geçiriljek Paralimpiýa oýunlary üçin hökmany saýlama ýaryşydyr.